رائعة الفنان محمد صالح عزاني
كلمات ولحن: الموسيقار محمد محسن عطروش ، غناء: عبود زين
بعــد أيه ترجع لقلبي * وانته من يدّك رميته
بعــد نكـرانك لحبـي * بعد قلبي ما نسيته
بعد أيه تترجّى قربي * بعد كـل اللي جنيته
* * *
كم ترجيتـك تقول لي * أيش سبب هذا التنكر
قلت لك شوف العواذل * غرروا بك كون فكّرْ
خاف بعد الهجر تندم * ربما فـي يـوم تذكرْ
* * *
كسرة:
قلت لك يا خِــل توقّعْ * خاف لي في يوم ترجع
قلت لي من فضلك اسمع * مستحيل لك يـوم اخضع
قلت لـــك قلبـي يحبك * قلت لي ما بـــاك أقنع
* * *
بعـد هجــرك أيه جابك * بعــدمــا قـلبـي تحطـم
مستحيل أرجع لحبـك * لـو دموعـك تنسكب دم
ذوق نـار الهجر مثلي * مَـــن ظلـم لابُــد يُظلَم
2 ــ لو ما تباني قول لي
كلمات:عمر عبدالله نسير الإيقاع: رقصة الدَّحِيف ( 8/12 كابر + هاجر) ، غناء: بصير أبين
لو ما تبـاني قـول لي ما بـاك يـا ذا والسلامْ
حِبّك وكم لي فهّمـكْ وازين ما تفهـم كـلامْ
تجرح شعـوري واهلي والجرح يا خِلّي حرام
ما شي خطأ في الحب لو حبيت يا عالي القوام
واجب على كل مَنْ يحب يفعـل لمـن يهوى مقام
وارسل تحيـاتي إليك وازين في مسك الختام
_____________________________
أغنية (لو ما تباني) كلمات:عمر عبدالله نسير، اللحن: الدحيف( 8/12 كابر+هاجر)،غناء: صالح البصير